2023 წლის ზაფხულში უნივერსიტეტის მხარდაჭერით სტუდენტები წავედით სვანეთის სოფელ ფარში სვანეთის უნიკალური ბუნების სანახავად. ჩვენ იქ 10 დღის განმავლობაში დავრჩით საკუთარი საძილე ტომრებითა და აღჭურვილობოთ. ადგილობრივმა მოსახლეობამ დასაბანაკებლად ადგილი გამოგვიყო ტყესთან ახლოს, რომელიც ძალიან კარგად მისადგომი იყო. ამის სანაცვლოდ ბავშვები ვეხმარებოდით სოფლის მცხოვრებლებს სხვადასხვა საქმეში, რომ მათთვის სამუშაო შეგვემსუბუქებინა. ამ დღეებში ჩვენ მათ ვეხმარებოდით თივის ზვინების დადგმაში, თივის შეგროვებაში და გზების გასუფთავებაში როგორც ქვებისგან, ისე ნაგვისგან. ასევე, სოფელში შენდებოდა ქვის კედელი, რომლის დასრულებაც ზაფხულში უნდოდათ და ქვების მიზიდვასა და დადებაშიც აქტიურად ვეხმარებოდით მათ.