ამ პროექტის ფარგლებში ახალგაზრდა მოხალისეებთან მქონდა კონტაქტი, რომლებსაც პირველი ნაბიჯების გადადგმა უნდათ თავის მოხალისეობრივ ცხოვრებაში. მოხალისეობის დაწყება არასდროსაა გვიან და უკეთესია თუ ვინმე გეგულება, ვინც საჭიროების შემთხვევაში დაგაკვალიანებს, მოგცემს რჩევებს, დაგაკავშირებს შესაბამის ადამიანებთან მიზნის უკეთესად განხორციელებისთვის. სწორედ ამ ფუნქციების შესრულებაა ამ პროექტში ჩემი როლი და 3 თვის განმავლობაში შევეცდები ამ ახალგაზრდებს მივეხმარო დაისახონ მიზნები, დაგეგმონ აქტივობები და საკუთარი გამოცდილებიდან გამომდინარე მივცე საჭირო რჩევები როგორც მოხალისეობაზე, ისე ნებისმიერ სხვა საკითხზეც.