2024 წლის 9 ივნისს, მოხალისეობრივი პროექტის ,,დიპლომატიის სკოლა"-ს ფარგლებში, რომლის ავტორიც მე ვარ, დანიის საელჩოს მხარდაჭერით, ნორდიკულ დღეებზე ვუმასპინძლეთ პანკისელ მოხალისეებს და არასამთავრობო ორგანიზაციების წარმომადგენლებს. ნორდიკულ დღეების ფესტივალზე ვიყავი ჩართული, როგორც მოხალისე.
ფინეთის, ნორვეგიის, დანიის და შვედეთის ელჩებთან და საელჩოების წარმომადგენლებთან ერთად აღვნიშნეთ პირველი ნორდიკული დღეების ფესტივალი საქართველოში 7-9 ივნისს.
ნორდიკული დღეების ფესტივალის მიზანია, ნორდიკული (სკანდინავიური) სახელმწიფოების შესახებ მეტი ინფორმაციის გაზიარება, მათი კულტურის, სამზარეულოს და სხვა მნიშვნელოვანი ადათების წარმოშობის შესახებ საზოგადოების ინფორმირებულობის დონის გაზრდა.
ნორდიკული დღეების ფესტივალი ჩატარდა ფაბრიკაში, ქ. თბილისში.