პროექტის „თუ უფლება დაცულია, კონფლიქტი მოგვარებულია“ დასკვნითი და შემაჯამებელი ღონისძიება განხორციელდა წმ. გაბრიელ ეპისკოპოსის სახელობის მართლმადიდებლურ სკოლა-გიმნაზიაში.
ღონისძიების ფარგლებში მოსწავლეებმა წარმოადგინეს წლის განმავლობაში განხორციელებული აქტივობების ანგარიში და გამართეს პერფორმანსი „13 ფუნდამენტური უფლება“, რომელიც ასახავდა პროექტის ძირითად იდეებსა და მიღწევებს.
როგორც პროექტის მონაწილე და ორგანიზაციულ პროცესებში ჩართული პირი, ვმონაწილეობდი ღონისძიების მომზადებასა და განხორციელებაში, მოსწავლეთა კოორდინაციასა და აქტივობების სტრუქტურირებაში, ასევე პროცესის გამართულად მიმდინარეობის მხარდაჭერაში.
ღონისძიებას ესწრებოდნენ პროექტის მხარდამჭერი ორგანიზაცია "ფონდი სოხუმის" წარმომადგენლები, სკოლის ადმინისტრაცია და სხვა მოწვეული სტუმრები, რომლებმაც შეაფასეს პროექტის მნიშვნელობა და მოსწავლეთა ჩართულობა სამოქალაქო ცნობიერების განვითარებაში.
დასკვნითმა ღონისძიებამ შეაჯამა წლის განმავლობაში მიღწეული შედეგები და კიდევ ერთხელ გაუსვა ხაზი ისეთ ღირებულებებს, როგორიცაა ემპათია, ტოლერანტობა, ურთიერთპატივისცემა და უფლებების დაცვა, რაც პროექტის მთავარ მიზანს წარმოადგენდა.
