22 მაისს, ფშავში საგანმანათლებლო შეხვედრა ახალგაზრდებთან დუშეთის ახალგაზრდულ ცენტრთან თანამშრომლობით გაიმართა. შეხვედრას უძღვებოდნენ დუშეთის ახალგაზრდული საბჭოსა და ჰელფინგ ჰენდის მოხალისეები: ქრისტინე ესტატიშვილი, ქრისტინე ბუჩაშვილი, სალომე ჩოხელი და ზურა ახალაშვილი. დღის პროგრამა მოიცავდა როგორც ინფორმაციულ, ასევე პრაქტიკულ ნაწილს. ინფორმაციულ სესიებზე მონაწილეებმა მიიღეს ინფორმაცია შემდეგ თემებზე: კლიმატის ცვლილება, მოხალისეობა, ქაღალდის გადამუშავება და მისი ისტორია. პრაქტიკული ნაწილი მოიცავდა ქაღალდის გადამუშავების პროცესში მონაწილეობის მიღებას და გადამუშავებული ქაღალდებისგან დამზადებული ბლოკნოტების მოხატვას თემაზე — კლიმატის ცვლილების შედეგები. შეხვედრაზე ასევე ჩატარდა ინტერაქტიული თამაშები კაჰუთის ფორმატში, გამარჯვებულებს გადაეცათ სიმბოლური საჩუქრები.