ბუნებაზე ზრუნვა თითოეული ჩვენგანის პასუხისმგებლობაა, ხოლო იმისთვის, რომ ბუნებაზე ვიზრუნოთ, პირველ რიგში საჭიროა გავიგოთ ეკოლოგიის მნიშვნელობა და გარემოზე მოქმედი სხვადასხვა ბუნებრივი თუ ხელოვნური ფაქტორის გავლენა. სწორედ ამიტომ, 23 მარტს, მოხალისეთა პროგრამის ფარგლებში მოვაწყვეთ ონლაინ შეხვედრა აღნიშნულ თემაზე, რომლის მიზანიც იყო ცნობიერების ამაღლება და შეხვედრის თითოეულ მონაწილეში პასუხისმგებლობის გრძნობის გაღვივება. აქტივობის განხორციელებას დაადასტურებს მოხალისეთა კოორდინატორი ლიზი სალბიშვილი.