4 დეკემბერს, ოტია იოსელიანის სახელობის ქალაქ წყალტუბოს №1 საჯარო სკოლის მოსწავლეთა თვითმმართველობამ, ლუკა ტყაბლაძის ხელმძღვანელობით შეზღუდული შესაძლებლობების მქონე პირთა საერთაშორისო დღე საინფორმაციო-შემეცნებითი შეხვედრით აღნიშნა.

ჩვენი მიზანი იყო კიდევ ერთხელ შეგვეხსენებინა ერთმანეთისთვის, რომ ინკლუზია არ არის მხოლოდ ტერმინი – ეს არის ქმედება, რომელიც თითოეული ადამიანისთვის თანაბარი გარემოს შექმნას გულისხმობს. 

შეხვედრა დაიტვირთა მრავალფეროვანი აქტივობებით:

• პრეზენტაცია: მოსწავლეებმა ისაუბრეს ინკლუზიის მნიშვნელობასა და თანასწორობის პრინციპებზე.

• ვიდეო-ჩვენება: თემატურმა რგოლმა მონაწილეებს საკითხის სიღრმისეულად აღქმაში დაეხმარა.

• Kahoot-ქვიზი: შეხვედრის ბოლოს, მიღებული ცოდნა სახალისო თამაშით შევამოწმეთ.