მე ლუკა ტყაბლაძე ვარ, 17 წლის, წყალტუბოდან. ჩემი ყოველდღიურობა და ინტერესები მჭიდროდ არის დაკავშირებული ჩემი ქალაქის განვითარებასა და უკეთესი მომავლის შენებასთან, რის გამოც დიდი პასუხისმგებლობითა და სიამაყით ვიკავებ წყალტუბოს მუნიციპალიტეტის მერის ახალგაზრდული მრჩეველთა საბჭოს თავმჯდომარის მოადგილის პოზიციას. ამავდროულად, ვარ ორგანიზაცია „ჰელფინგ ჰენდის“ აქტიური მოხალისე — პლატფორმის, რომელიც მაძლევს უნიკალურ შესაძლებლობას, ჩემი ენერგია და იდეები ჩვენი სკოლის, თემისა და მოსახლეობის საკეთილდღეოდ მივმართო.
ჩემთვის მოხალისეობა მხოლოდ სხვების დახმარება არ არის, ეს არის უწყვეტი განვითარების პროცესი და შანსი, დაგროვილი ცოდნა და გამოცდილება თანატოლებს გავუზიარო. მჯერა, რომ ცვლილებები სწორედ ჩვენით, ახალგაზრდებით იწყება, რის გამოც ჩემს კლუბთან ერთად უამრავი საინტერესო, ინოვაციური და საზოგადოებისთვის სასარგებლო პროექტი მაქვს დასახული.
ჩვენი შესაძლებლობების ფარგლებში, მაქსიმუმს გავაკეთებთ იმისათვის, რომ თითოეული იდეა იდეალურად განხორციელდეს. ჩვენ ზუსტად ვიცით, რა მიზნებისკენ მივილტვით და მზად ვართ, დაუღალავი შრომითა და ერთიანი ძალისხმევით მივაღწიოთ თითოეულ მათგანს, რათა ჩვენი წვლილი შევიტანოთ წყალტუბოს კიდევ უფრო გაძლიერებაში.
