მე ვარ მარიამ სოსელია,15წლის,ბოლნისის რაიონ დაბა კაზრეთიდან,ქვემო ქართლიდან,ვსწავლობ დაბის ნომერ პირველ საჯარო სკოლაში.
2022წლიდან დღემდე აქტიურად ვარ ჩართული მოხალისეობრივ საქმიანობებში და ჩემთვის ეს ერთ-ერთ საუკეთესო სფეროდ იქცა,საქმიანობად,რომელსაც სიამოვნებით ვაკეთებ ყოველთვის.
მოხალისეობა,ჩემთვის და არა მარტო ჩემთვის მეტად საპასუხისმგებლო და საჭირო საქმეა,ამის მნიშვნელობას 2წლის წინ მივხვდი და თანდათან უფრო მეტად ვიაზრებ მის არსს.
მე ვმოხალისეობ იმიტომ,რომ დავეხმარო ჩემ თემს,დაბას,მეგობრებს,ახლობლებს და საზოგადოებას სხვადასხვა მნიშვნელოვანი და აუცილებელი პრობლემების მოგვარებაში,ეს ყველას შეგვიძლია და ძალიან ბევრს ნიშნავს თითოეული აქტივობა თემისთვის.მე მსურს,რომ ვიცხოვრო განვითარებულ,ყველანაირად უზრუნველყოფილ გარემოში,ამიტომ ვცდილობ ჩემი წვლილი შევიტანო ამ პროცესში,ეს მცირე გადაგმული ნაბიჯები ვიცი, რომ გამოადგება ჩემს საცხოვრებელ ადგილს და ამიტომ,ყოველგვარი ანაზღაურების გარეშე ვატარებ საქველმოქმედო აქციებს,დასუფთავების აქციებს,ფორუმ თეატრებს,ტრენინგებს,რათა შევიტანო წვლილი ისეთ საკითხებში როგორებიცაა:მდგრადი განვითარება,შსმ პირთა დახმარება,სიძულვილის ენის ყოველგვარი ფორმის აღმოფხვრა,ჟურნალისტიკის განხრით მუშაობა და საზოგადოების,ჩემი თემის ცნობიერების ამაღლება.
მოხალისეობა ჩემთვის არის შესაძლებლობა, რომ გავიზარდო როგორც პიროვნება და დავეხმარო სხვებს. ეს მაძლევს უნიკალურ გამოცდილებებს, ახალ ადამიანებს მაზიარებს და ცხოვრებას ახალ შინაარსს მატებს. როგორც დამწყები ჟურნალისტი, მოხალისეობის დროს ვხვდები ისტორიებს, რომლებიც შთაგონებას მაძლევს და მაძლიერებს. გარდა ამისა, ეს მეხმარება უფრო პასუხისმგებლიანი და თანამგრძნობი გავხდე, რაც ჩემი მიზნებისთვის ძალიან მნიშვნელოვანია.
როცა მოხალისეობას ვიწყებ, ვხვდები, როგორ შემიძლია რეალურად დავეხმარო სხვებს, ვასწავლო ან მათგან ვისწავლო. ამ პროცესში ახალ ადამიანებს ვხვდები, ვსწავლობ მათგან და ვხვდები, როგორ არის შესაძლებელი ერთიანი ძალებით რაღაცის შეცვლა. ეს გამოცდილება მაძლევს უნარებს,თუ როგორ ვიყო უფრო მეტად თანაგრძნობით სავსე, უფრო კარგი მოსაუბრე და პასუხისმგებლიანი ადამიანი.
გარდა ამისა, მოხალისეობა მეხმარება გავაცნობიერო, რომ სამყაროში ცვლილების შეტანა არა ასაკზე, არამედ ჩემს სურვილზეა დამოკიდებული. ამიტომ ვაკეთებ ამას – არა მხოლოდ სხვებისთვის, არამედ საკუთარი თავისთვისაც, რომ გავხდე უფრო ძლიერი და მიზანდასახული.
სწორედ ამ მიზეზების გამო ვმოხალისეობ.
