პროექტი „ახალგაზრდული მოხალისეობა COVID-19 პანდემიის საპასუხოდ საქართველოში" ჩემთვის მოხალისეობის პირველი გამოცდილებაა, თუმცა ამას ხელი არ შეუშლია, რომ ამ პროექტის ფარგლებში მრავალნაირი აქტივობა განმეხორციელებინა და ჩემთვის ყველაზე მნიშვნელოვანი პრობლემების გადაჭრაში წვლილი შემეტანა. სწორედ ამიტომ, თავისუფლად შემიძლია ვთქვა, რომ ამ პროექტმა და, ზოგადად, ორგანიზაცია "Helping Hand-მა" მომცა უდიდესი მოტივაცია, რომ უფრო და უფრო ხშირად ჩავერთო მსგავს პროგრამებში და ვაკეთო მოხალისეობრივი საქმიანობა.
ვფიქრობ, პროექტი შესანიშნავ შესაძლებლობას იძლევა ნებისმიერი ადამიანისთვის, როგორც პიროვნული წინსვლის, დადებითი გამოცდილებების დაგროვების, საერთო ინტერესების მქონე ახალგაზრდების გარანტი. ამიტომ, მიმაჩნია, რომ ყველამ ერთხელ მაინც უნდა გამოსცადოს ის ბედნიერება, რასაც მოხალისეობა ჰქვია.
