მოხალისის შესახებ
მე ვარ თენგიზ ხუხუნაიშვილი, 25 წლის. ვცხოვრობ ლანჩხუთის მუნიციპალიტეტში. ვმუშაობ კულტურის დაწესებულებათა გაერთიანებაში /ბუღატერი/. 2023 წლიდან დღემდე ვარ მერის ახალგაზრდული საბჭოს თავმჯდომარე (ამირჩიეს 2024 წელს მეორე ვადით). 2020 წლიდან, ლანჩხუთში დავიწყე ჭადრაკის პოპულარიზაცია და განვითარება. სოციალურად დაუცველ ბავშვთა დღის ცენტრ " იავნანას" ბენეფიციარებს 3 თვის განმავლობაში სრულიად უსასყიდლოდ შევასწავლე ჭადრაკი და გადავეცი საჭადრაკო ინვენტარი ( ჰუდები, წიგნები, ჭადრაკის დაფები).
მუნიციპალიტეტში მცხოვრებ სოციალურად დაუცველ 50 ბავშვი დავასაჩუქრე თანამედროვე ლიტერატურით და ტკბილეულით. ჩემთვის მათ განვითარებაზე და გახარებაზე ზრუნვა უპირველესია. ეს ტრადიციად ჩამოვაყალიბე და ყოველწლიურად ვახორციელებ მსგავსი სახის აქტივობებს.
ასევე მნიშვნელოვანია ჩვენი ხანდაზმული ადამიანების გახარება და გვერდით დგომა. ამიტომ შემოვიკრიბე რამდენიმე ახალგაზრდა და შეჭირვებულ, ასაკოვან ადამიანები დავასაჩუქრეთ ტკბილეულით. მადლობა ვუთხარით მათ იმ შრომისთვის, რაც გასწიეს ჩვენი მუნიციპალიტეტისთვის. ეს აქტივობა გამოირჩეოდა არა მხოლოდ იმ ემოციებით რაც მივიღეთ, არამედ პროექტში ჩართულმა ახალგაზრდებმა, უფრო მეტად გაითავისეს მოხუცი ადამიანების პატივისცემა და სიყვარული. სიკეთე გადამდებია და ამ ტიპის აქტივობები სასიკეთო და სასარგებლოა მუნიციპალიტეტისთვის და აქ მცხოვრები ადამიანებისთვის.
2021 წელს ჩავატარე ახალაგზრდული ფესტივალი; 2022 წელს რეგიონალური ტურნირი ქალაქ ლანჩხუთში; 2023 -2024 წელს საერთაშორისო საჭადრაკო ტურნირი, რომლის ინიციატორიც თავად გახლდით. 6 დღის განმავლობაში 700ზე მეტი ვიზიტორი სტუმროდა ჩვენს მუნიუციპალიტეტს
და ლანჩხუთის ისტორიაში ასეთი სახის ტურნირები გახდლათ პირველი.
2023 წლიდან ვარ მერის ახალგაზრდული საბჭოს თავმჯდომარე და აქტიურად ვარ ჩართული ახალგაზრდულ საქმიანობაში.
იქედან გამომდინარე, რომ ლანჩხუთის მუნიციპალიტეტში არ არსებობდა ისეთი სივრცეები , სადაც ახალგაზრდები შეძლებდნენ თავისუფლი დროის გატარებას , არაფორმალური განათლების აქტივობებში ჩართვას , მათ მიერ სხვადასხვა აქტივობების ორგანიზებას და მათში მონაწილეობას , ჩემი მოხალისეობრივი საქმიანობით შევეცადე აღმოგვეფხრა ეს პრობლემები.
სწორედ , რომ ჩემ მიერ განხორციელებული საგანმანათლებლო თუ გასართობი აქტივობების მიზანს წარმოადგენდა , ლანჩხუთში მცხოვრებ ახალგაზრდებს დავხმარებოდი, მიეღოთ როგორც არაფორმალური განათლება , ასევე თვითონ ყოფილიყვნენ საინტერესო აქტივობების ორგანიზატორებიც და მონაწილეებიც. გარდა ზემოაღნიშნულისა , ჩემი საქმიანობის მიზანი გახდლათ, ახალაგზრდების გააქტიურება , მათი საზოგადოებაში ინტეგრაციის ხელშეწყობა , ცნობიერების ამაღლება სხვადასხვა მიმართულებით და დაინტერესების გაზრდა ზოგადად ახალგაზრდული საქმიანობით.
ვფიქრობ , რომ ერთ-ერთი უმთავრესი პრობლემა , რომლის გადაჭრასაც ჩემმა საქმიანობამ შეუწყო ხელი არის ახალგაზრდების დაბალი მოტივაცია მონაწილეობა მიეღოთ გადაწყვეტილების მიღების პროცესში.
ამ მხრივ ახალგაზრდების დაინტერესება დღითიდღე იზრდება და დარწმუნებული ვარ ჩვენ მიერ მომავალში დაგეგმილი მოხალისეობრივი საქმიანობის შედეგად კიდევ უფრო მეტი ახალგაზრდა გააქტიურდება და ჩაერთვება საზოგადოებრივ ცხოვრებაში.
