მოხალისის შესახებ
მე ვარ მარიამ იდოიძე 17 წლის, ჰელფინგ ჰენდის 2024 წლის მოხალისე და მოხალისეთა კოორდინატორი. მთელი ბავშვობის დიდი სურვილი იყო, რომ მომავალში საზოგადოებისთვის სასიკეთო საქმეები მეკეთებინა, განსაკუთრებით კი საქართველოსთვის, ჩემი სამშობლოსთვის.
მიმაჩნია, რომ ყველას შეგვიძლია ჩვენი ძალისხმევით მნიშვნელოვნად შევცვალოთ გარემო უკეთესობისკენ, ამიტომ უკვე მქონდა უამრავი იდეა სხვადასხვა პროექტთან დაკავშირებით და ვაპირებდი ჩემი შესაძლებლობის ფარგლებში განმეხორციელებინა ისინი, როდესაც შევიტყვე "ჰელფინგ ჰენდის" ორგანიზაციის შესახებ და გავხდი მოხალისე და მოხალისეთა კოორდინატორი.
მოხალისეობა არის არამხოლოდ სიკეთის, არამედ სოციალური პასუხისმგებლობის გამომხატველი ნაბიჯიც, ამიტომ ყველამ ჩვენი ცოდნა საზოგადოების კეთილდღეობისთვის უნდა გამოვიყენოთ.
მოხალისეობა 2024 წლის გაზაფხულიდან დავიწყე და მთელი ცხოვრება გავაგრძელებ, რადგან მინდა ჩემი განათლება საქართველოს უკეთესი მომავლისთვის გამოვიყენო.
