გამარჯობა, მე ვარ თინათინ ხარზიანი, 16 წლის, ქალაქ ფოთიდან. აქტიურად ვარ ჩართული სკოლისგარე საქმიანობაში და მეგობრებთან ერთად ჩემს თემში სხვადასხვა პროექტს ვახორციელებ.
განსაკუთრებით მაინტერესებს გარემოსდაცვითი მიმართულება. არასამთავრობო ორგანიზაციების მხარდაჭერით არაერთხელ მოვაწყვეთ კოლხეთის ეროვნული პარკის მიმდებარე ტერიტორიის დასუფთავების აქცია. გარდა ამისა, დაახლოებით ერთი წელი ვიყავი ბანაკის ლიდერი, რამაც უდიდესი გამოცდილება და პასუხისმგებლობის გრძნობა შემძინა. არანაკლებ მნიშვნელოვანია ჩემთვის STEM სფერო, ჩემს გუნდთან ერთად გავიმარჯვე პროექტში და მოვიპოვე „სამეგრელო-ზემო სვანეთის ინოვატორის“ ტიტული. ასევე ვარ სამეგრელო-ზემო სვანეთის სკაუტური მოძრაობის წევრი და გარდა ამისა აქტიურად ვმონაწილეობ სპორტულ მოხალისეობრივ ღონისძიებებში, რისი გაგრძელებასაც მომავალშიც დიდი ენთუზიაზმით ვგეგმავ.
ჩემი საქმიანობისა და პროექტების შესახებ უფრო ვრცელ ინფორმაციას ჩემს პროფილში იხილავთ.
