მოხალისის შესახებ
მოგესალმებით, მე ნინი თავხელიძე ვარ, ქალაქ ბაღდათიდან, იმერეთიდან. ყოველთვის ვცდილობ, ვიზრუნო საკუთარი თავისა და სხვების განვითარებაზე. ამჟამად, ჩემს მუნიციპალიტეტში არაფორმალური განათლების პოპულარიზაცია ჩემი პრიორიტეტია, რადგან ახალგაზრდებმა საჭირო უნარ-ჩვევების განვითარება შეძლონ. ამას გარდა, მაქვს საკუთარი პროექტები, რომელთაც ახალგაზრდების საჭიროებების მიხედვით ვაწარმოებ. ვფიქრობ, მნიშვნელოვანი და ამავდროულად საჭიროა თანასწორგანმანათლებლობა და მიხარია, რომ ამ საქმეს ვეწევი.
ჩემი გამოცდილება არაფორმალური განათლების მხრივ ძალიან ფართო და მრავალფეროვანია. ამჟამად, გახლავართ ბაღდათის ახალგაზრდული საბჭოს წევრი, ახალგაზრდული სივრცე ,,GAME ზონის" ლიდერი, ახ. საბჭოში განათლების კლუბის ლიდერი, ახალგაზრდული პოლიტიკის ელჩი და სხვა.
მოხალისეობა ჩემი საყვარელი საქმეა, უანგაროდ შენი ქვეყნისთვის, მუნიციპალიტეტისთვის თუ მსოფლიოსთვის საკეთილდღეო საქმის კეთება ჩემთვის დიდი ბედნიერებისა და სიხარულის მომტანია. ვარ მოხალისე, რადგან მიყვარს ჩემი ცოდნის სხვებთან გაზიარება, მიყვარს გამოცდილებების გაცვლა, მიყვარს კეთილი საქმის კეთება, რომელიც იძლევა კარგ შედეგს. ერთი დიდი ბედნიერებაა ჩემთვის, როცა ვხედავ, რომ ჩემმა პროექტმა რაღაც მცირე წვლილი მაინც შეიტანა რომელიმე ახალგაზრდის განვითარებაში. მოხალისეობა საუკეთესო საქმეა, რომელიც გვასწავლის ურთიერთობებს, სიკეთის თესვას, მეგობრობას, ტოლერანტობას, მიმღებლობას, დაფასებას, გვხვეწავს პიროვნულად, გვამზადებს დაბრკოლებებისთვის და გვაყალიბებს ნამდვილ ადამიანად, ნამდვილ მოქალაქედ და ნამდვილ პიროვნებებად.
